Gureaz blai irratsaioak bigarren denboraldia hasi du orain dela gutxi. Aurrekoan 34 saio aireratu zituen Info7 irratiak (guztiak batu ditugu lantalan webgunean bertan), eta oraingoan momentuz hiru saio aireratu ditu Info7 irratiak (lantalanen ere entzungai daude).

Baina bigarren denboraldi honetan berritasunak dakartza irratsaioak. Saiatuko dira hilean behin pertsonaia ezagun bati elkarrizketa egiten bere hizkuntza portaeraz hitz egiteko eta hilean beste behin gai jakin bati buruzko elkarrizketa: hizkuntza ekologia, soziolinguistika, euskara eta gure egoera emozionala… Hizneteko hainbat egitasmori buruz ere hitz egin nahi dute; jendeak euskarari buruz, bere erabilerari buruz eta egoerari buruz egindako ikerketa lanetan ateratakoak komentatu nahi dituzte.

Horrez gain, jakina, lehen denboraldiko ildo beretik jarraituko dute: egoera arruntetan izaten ditugun hizkuntza gatazka txikiei konponbidea bilatzen.

Irakurtzen jarraitu...

2012ko udazkenetik hasita, Emunek Gipuzkoako Foru Aldundiaren laguntzarekin eta Info7rekin batera, Gureaz blai irratsaioa ekoitzi du. Mintzatuko gara euskaldunon kezken inguruan? Hitz egingo dugu euskaldunon sentimenduez gure hizkuntza nonahi erabiltzen dugunean? Konpartituko ditugu egoera horiek gainditzeko baliabideak? Euskaldunak aktibatzeko irratsaioa da, euskaldunei euskaraz bizitzeko deia eginaz eta, hizkuntza ikuspegitik, herritar kontziente aktibo bilakatzen lagunduz.

Udaren ostean, berriro itzuliko da irratsaioa antenara. Baina bitartean lehen denboraldiko irratsaio guztiak batu ditugu hemen:

Irakurtzen jarraitu...

Urrian hasita, astero Info7 irratian Gureaz blai irratsaioa entzungai duzue. Irratsaio hau Emunek Gipuzkoako Foru Aldundiaren laguntzarekin ekoizten du.

Euskaldunak aktibatzeko irratsaioa da, euskaldunei euskaraz bizitzeko deia eginaz eta hizkuntza ikuspegitik, herritar kontziente aktibo bilakatzen lagunduz. Euskaldun kontziente aktiboak laguntzeko irratsaioa (eta horren aktiboak ez direnak aktibatzeko ere).

Irakurtzen jarraitu...

EMUN Kooperatiba Elkarteko Telp tailerretako dinamizatzaileok bloga martxan jarri dugu. TELP tailerren blogak izaera bateratzailea izango du, tailerretan parte hartu duten lagunen bilgune izateko helburua baitu, guztiok komunitate bereko partaide garela sentiaraziz. Era horretan, blogak aukera emango digu gure esperientziak, ezagutzak eta indarrak bateratzeko, eta baita tailerretako parte hartzaileekin harremanetan jarraitzeko ere, zailtasunen aurrean hizkuntza jokaera asertiboa praktikatzen laguntzeko.

Irakurtzen jarraitu...

“Otxandioko Euskaldunon Amaraune” Otxandioko Udal Euskara Batzordearen ekimenez sortutako ekimena da. Euskaltzale diren herritarrez osatutako sarea. Euskaltzalea izatea da Amaraunean parte hartzeko dagoen baldintza bakarra eta dagoeneko ehunetik gora otxandioar batzen ditu. Etorkizunean izan lezakeen arren, sareak ez dauka oraingoz egitura propiorik. Instituzio baten ekimenez eta beronen baitan gorpuzten ari den herritarren sarea da, udalaren euskalgintzako jardunaren oinarri bihurtu dena.

Irakurtzen jarraitu...