Euskararen normalkuntza aspaldi abiatu bazen ere, sarri askotan prozesu horren barne-mekanismoez ondo jabetu gabe jokatzen dugu, soziolinguistikako ezagutza-sakonaren falta dela medio. Horregatik, euskararen normalkuntzan behar-beharrezkoa da ezagutza kualifikatuagoa eta sistematikoagoa izatea, eta premia horri aurre egiteko antolatu du Asmozek hizkuntza plangintzarako ikastaro hau.
NORI ZUZENDUA:
- Euskara teknikari lanetan diharduten edo egunen batean zeregin horietan aritzeko asmoa duten guztiei.
- Toki eta Foru administrazioan, hezkuntza sisteman eta antzeko lan arlotan, hizkuntza normalkuntzan erantzukizun publikoa dutenei.
- Euskalgintzako euskaltzaleei edo euskararen inguruan dihardutenei.
HELBURUAK:
- Soziolinguistikaz oinarrizko ezagutza eskaini.
- Hizkuntza egoeraren berri zehatza jaso ahal izateko beharrezkoak diren metodologiez eta teknikez jantzi.
- Hizkuntza egoera hobeto ulertzeko eta normalkuntzarako bidean hartu beharreko estrategiak finkatzeko lagungarriak diren oinarri teorikoak eskaini.
- Euskararen normalkuntzaren plangintzarako metodologiez eta lanabesez jantzi.
- Hizkuntza gutxituei teknologia berrien eskutik datozkien erronkak eta eskaintzen zaizkien aukera berriak ezagutu.
- Euskararen egoeraren berri zehatza eskaini, eta baita Euskal Herriko gizarteak hizkuntzekiko eskaintzen dituen baldintzenak ere.
METODOLOGIA:
Ikastaroa internet bidezko ikasgaiekin eta aurrez aurreko saioen bidez gauzatuko da. Web gunean eskuragarri dauden ikasgai bakoitzari dagokion ebaluazio testa, ariketa eta balorazioa egin behar dira gaiak gainditzeko.
EGITARAUA:
- Hizkuntza gutxituak nazioarte mailan
- Soziolinguistikaren oinarrizko kontzeptuak
- Hizkuntza gutxituen berreskurapenerako hainbat hurbilpen
teoriko - Ikuspegi soziologikoa eta gizarte psikologiarena
- Hizkuntzen ekologia
- Hizkuntza kulturaren bitarteko gisa. Antropologiaren ekarpenak
- Ikerketa soziolinguistikorako metodologiak eta teknikak
- Plangintzaren funts teoriko eta teknikoak
- Diagnosirako egungo garapen teknikoak
- Hizkuntz adierazle-sistemak
- Euskal Herriko hizkuntz egoera: statusa
- Gazteen euskara erabilera: hizkuntza kalitatea
- Hizkuntzazko jokaeraren aldaketa prozesua. Teoria eta
praktika - Hizkuntz eskubideen eta lege statusaren egoera Euskal Herrian
- Euskalgintzaren nondik-norakoak
- Hizkuntzen inguruko gizarte diskurtsoak
- Euskara eta teknologia berriak
- Interneten erabilera hizkuntza plangintzan
- Hizkuntza normalkuntzarako plangintza orokorra
- Hizkuntza normalkuntzarako plangintza estrategikoa
- Hizkuntza plangintza udalerri mailan
- Normalkuntza saioak administrazio publikoan
- Hezkuntza eta lan munduko hizkuntza plangintzak
- Euskara eta komunikabideak
- Komunikazioa euskara sustatzeko
- Identitatea eta komunikazioa. EiTB-ren kasua
MATRIKULA EPEA:
Urriaren 15a bitarte zabalik. Informazio gehiago eta matrikula egiteko aukera web gunean .
Bidaltzailea: EMUN
Erantzun